E hënë, 19.11.2018
Impresum - Marketing - Arkiva - Kontakt

Yll Press

Shtoi se FSSHM do të vazhdojë edhe në të ardhmen të mos ketë vesh të shurdhër për zgjidhjen e nevojave reale, atje ku ai është kompetent.
Shënohet Dita botërore për ngritjen e vetëdijes për rritjen te fëmijët


Diagnostifikimi në kohë tek fëmijët me çrregullime në rritje dhe fillimi përkatës i terapisë së nevojshme në vitet e hershme të moshës parashkollore mundëson të arrihen rezultate të mira në mjekimin e tyre.

Këtë në konferencë shtypi e potencuan nga Shoqata e prindërve të fëmijëve me sëmundje endokrinologjike "Rritja", në kuadër të shënimit të 20 shtatorit, Ditës botërore për ngritjen e vetëdijes për rritje te fëmijët nën moton "Fëmijët kanë kohë të shkurtër për t'u rritur, ndërsa tërë jetën jetojnë me rezultatet".

Kryetari i Shoqatës, Aleksandar Petrovski tha se në Maqedoni 100 deri në 110 fëmijë me çrregullime në rritje mjekohen me hormonin për rritje, terapi e cila është tërësisht e mbuluar nga shteti, por ekziston një grup më i madh i fëmijëve të cilët akoma nuk kanë fituar mundësi të fillojnë me terapinë.

"Në mënyrë të vazhdueshme angazhohemi bashkë me institucionet që të gjendet zgjidhje për mundësi që pacientët e rinj ta marrin terapinë në kohë dhe të drejtën e përzgjedhjes së terapisë, siç është vendosur në numrin më të madh të shteteve në botë, pasi që 365 ditë në vit duhet pa ndërprerje ta pranojmë terapinë me hormonin e rritjes", tha Petrovski.

Theksoi në vitin vijues drejtori ekonomik i Klinikës për sëmundje të fëmijëve, Ridvan Ibraimi është shkaktar kryesor për të cilin fëmijët vazhdimisht ballafaqohen me problem dhe kanë pauzuar me terapinë më shumë herë në vit, që, sipas tij, nuk guxon të ndodhë.

Drejtori i FSSHM, Sasho Stefanoski në konferencën për shtyp tha se Fondi e ka rritur buxhetin dhe ka siguruar buxhet me kusht për mjekimin e targetuar në Klinikën e fëmijëve dhe për të pestin vit me radhë fëmijët marrin terapi në kohë për zhvillim të shëndoshë dhe normal. Theksoi se për sivjet kanë paraparë mjete në lartësi prej 51.068.400 denarësh për hormonin e rritjes te 100 fëmijë.

Shtoi se FSSHM do të vazhdojë edhe në të ardhmen të mos ketë vesh të shurdhër për zgjidhjen e nevojave reale, atje ku ai është kompetent.

"Filluam që para disa viteve dhe po shkojmë shumë mirë në këtë pjesë veçanërisht të atyre të cilët deri më tani e kanë pranuar hormonin e rritjes dhe tashmë kanë arritur lartësi e cila lidhet me buzëqeshje, kënaqësi dhe jetë cilësore", tha drejtoresha e Klinikës për sëmundje të fëmijëve, Aspazia Sofianova.

Në kuadër të shënimit të Ditës botërore për ngritjen e vetëdijes për rritjen te fëmijët në Sheshin Maqedonia sot organizohet matje falas e gjatësisë dhe peshës te të gjithë fëmijët të cilët dëshirojnë të kontrollojnë nëse gjatësia e tyre është përkatëse me moshën. Matjen e bëjnë ekipet mjekësore të Spitalit për fëmijë Kozle.

Publikuar: 20.09.2016 | 15:45
Lexuar: 501 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime