E martë, 11.12.2018
Impresum - Marketing - Arkiva - Kontakt

Yll Press

Në suaza të Festivalit, siç njoftojnë nga Ambasada e RF të Gjermanisë, do të shfaqen dhjetë produksione aktuale gjermane në dhjetë qytete të Maqedonisë.
Fillon Festivali i 12-të i filmit të ri gjerman


Me shfaqjen e filmit "Mjaltë në kokë" nga dhe me Til Shvajger sonte në orën 20 në kinemanë "Milenium" në Shkup nën moton "Dua film" do të hapet edicioni i 12-të i Festivalit të filmit të ri gjerman.

Në suaza të Festivalit, siç njoftojnë nga Ambasada e RF të Gjermanisë, do të shfaqen dhjetë produksione aktuale gjermane në dhjetë qytete të Maqedonisë.

"Regjisori Shvajger është aktori më i njohur në Gjermani dhe producent i suksesshëm. Filmi i tij 'Mjaltë në kokë' me mbi shtatë milionë shikues ishte filmi më i suksesshëm në vitin 2015.

Në suaza të festivalit të filmit prej 6 deri më 9 tetor do të shfaqen edhe nëntë filma tjerë në kinemanë "Frosina", QKM: komedi, drama, trilerë, filma për fëmijë dhe familjarë", theksohet në kumtesën nga Ambasada.

Filmat do të shfaqen edhe në Kumanovë (më 10 tetor) ndërsa pastaj në Prilep, Manastir, Ohër, Veles, Kavadar, Tetovë, Strumicë dhe Shtip.

Filmat mund të shihen edhe në origjinal në gjuhën gjermane me titra në maqedonisht (në Tetovë shqip).

Të gjithë filmat kanë marrë çmime dhe janë dedikuar për publikun mbi 12 vjet, ndërsa ato për fëmijë mbi 6 vjet, Filmat ofrojnë mundësi, Gjermania kulturën e saj, historinë dhe shoqërinë t'ia prezantojë publikut më të gjerë.

Publikuar: 05.10.2016 | 11:28
Lexuar: 1849 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime