Rruga nr.72, përballë hyrjes së SHF “Bashkimi” në Gostivar në pjesën qendore të qytetit, sot fitoi asfalt të ri. “Rruga është e gjatë rreth 150 metra dhe ka një gjerësi mesatare prej 4,5 metrash.

Menjëherë pas përfundimit të punëve përgatitore, tamponimit dhe valimit të shtresës bazë, sot jemi duke e asfaltuar rrugën. Bredna ditës, ose më së voni nesër do të përfundojnë punimet”, thotë Fatmir Dalipi – inxhinier në Komunë e Gostivarit.

Vitin e kaluar kjo rrugë u lidh në rrjetin e kanalizimit fekale dhe atmosferik, por për shkak të dëmtimeve të shumta asfaltit, u imponua shtrimi me shtresë të plotë të asfaltit të ri.

Asfaltimi i rrugës nr.72 bëhet me mjete nga buxheti komunal si pjesë e fazës së parë të Programit vjetor të investimeve në infrastrukturë.