Blerand Rexhepi

Sezoni i nxehtë veror aktivizon estradën shqiptare më shumë se çdo herë tjetër. Kështu që edhe Jeta Faqolli fillon aktivitetin e saj. Një
këngë e re me bashkëpunëtorë kosovarë, e finalizuar edhe me klip, pritet të dalë së shpejti nëpër ekranet televizive të lançuar nga Jeta.

“Përsa i përket këngës, ajo është bërë në Kosovë, me muzikë të Armend Rexhepagiçit, tekst të Aida Barakut dhe orkestrim të Florent Boshnjakut. Klipi është xhiruar në Tiranë në vilën “Gold” nga
regjisori Aleksandër dhe produksioni “SuperSonic”, thekson këngëtarja.



Kriza në dashuri është temë që shfaqet në shumë këngë, kështu që edhe
ajo ka dashur të përshkruajë një histori të tillë në këngën e re. “Kënga titullohet “Një herë në javë”, dhe ka të bëjë me një histori dashurie të një çifti të ri, të cilët kanë pasur krizë në lidhjen e tyre.

Dhe në një moment vajza mbledh forcën e saj ku i jep fund lidhjes dhe jeta i duket shumë më e bukur pa të dhe gjithashtu i uron atij sikur veç një herë në javë të provonte dhimbjen, ankthin dhe poshtërsinë e shkaktuar prej tij”, tregon për fabulën
këngëtarja Faqolli.

Pas disa koncerteve këngëtarja ka gjetur kohë edhe për pushim. Gjatë kësaj jave ajo ishte e pranishme në Sarandë ku nuk ka ngurruar të fotografohet në bikini duke treguar linjat e trupit. Jeta ka qenë e shoqëruar nga disa miq dhe lepurushi i saj.