Vetëm disa orë pas shkarkimit të Dedajt, Liberalja Internacionale, ku është anëtare edhe partia e Dedajt, ka përshëndetur emërimin e tij në postin e zëvendësministrit.

“Kremtojmë dhe urojme PLK-në për postin e ri qeveritar të zotit Dedaj në qeverinë nacionale”, thuhet mes tjerash në letrën e Internacionales Liberale drejtuar PLK-së.

Kryeministri i Kosovës, Hashim Thaçi, vetëm dy ditë pasi e kishte
emëruar në postin e zëvendësministrit të Transportit dhe Postë- Telekomunikacionit Gjergj Dedajn, ka marrë vendim që ta shkarkojë atë.

Siç thuhet në njoftimin e lëshuar për medie nga zyra për Informim e Kryeministrisë, vendimi është marrë bazuar në të gjeturat e fundit nga organet kompetente, që flasin për keqpërdorimet dhe keqmenaxhimin që Dedaj e ka bërë gjatë periudhës kur ka ushtruar detyrën e zëvendësministrit në Ministrinë e Punës dhe Mirëqenies Sociale.