Skuadra e elitës gjermane, Schalke, konfirmoi edhe zyrtarisht se Raul është pjesë e kësaj skuadre. “Në një bisedë të martën mbrëma, Raul i ka thënë kryetrajnerit Felix Magath, se dëshiron të luajë në dy kampionatet e ardhshme për Schalken.

Spanjolli që u largua ditë më parë nga Real Madridi, u transferua te Schalke si transfer i lirë”, thuhet në komunikatën e skuadrës së Schalkes. ‘Ky është një lajm i mrekullueshëm për Schalken.

Unë gëzohem, që kemi qenë në gjendje të transferojmë një futbollist aq të jashtëzakonshëm, një golashënues të klasit Botëror. Cilësitë e tij do të na ndihmojnë.

Transferimi i tij është një hap tjetër në tentimet tona për të krijuar një ekip për detyra të ndryshme në të ardhmen dhe për ristrukturim”, tha tajneri i Schalkes, Felix Magath.