Nuk ka asnjë top-listë botërore në të cilën këngët e albumit të fundit të Eminemit, “Recovery”, nuk kanë zënë vendin e parë. Sipas të dhënave nga kanali televiziv NBC, albumi dhe këngët e tij kanë pushtuar të gjitha top-listat e mundshme muzikore.

“Afrika ka pesë kanale të radiove lokale vetëm për muzikë dhe Eminem është kryefjala e tyre”, thuhet në një raport të NBC-së. Ndërkohë që edhe “Itunes” ka raportuar se është detyruar që për dy ditë të bllokojë sistemin e shitjes për shkak të ngarkesës së papërballueshme.

Përveç këngëve “Im not Alone”, e cila për pesë ditë ka bërë turin nëpër tërë botën në vendet e para, kënga “Love the Way You Lie” është shitur me mbi 50 milionë kopje vetëm në “Itunes”.

Ndërsa albumet e këngëtarëve Rick Ross (“Teflon Don”), Sheryl Crow ( “100 Miles from Memphis”) dhe grupit Jonas Brothers (Jonas L.A) kanë mbetur nën hije duke u kënaqur me pozitat e tjera.