Momente të vështira për aktoren e njohur Angelina Jolie, e cila po promovon në të gjithë botën filmin e saj të fundit “Salt”. Revista Star magazinë thotë se po planifikon të botojë 8 foto ku aktorja hollivudiane shfaqet nudo duke marrë drogë.

Revista pritet të dalë në treg më 9 gusht por flitet se ylli i kinemasë ka angazhuar disa avokatë për tu përpjekur për të ndaluar publikimin e fotove, transmeton Ballkanweb.

Biografi Andrew Morton, siguron se këto foto i përkasin një të kaluare të zymtë dhe të largët të aktores, të cilën vetë ajo, mamaja e 6 fëmijëve, një grua mjaft e angazhuar dhe bashkëshorte perfekte ka preferuar t’i mbajë të fshehtë edhe vetë Brad Pit.

Fotot i përkasin viteve 1999, ku aktorja shfaqet lakuriq me një litar që lidhen qentë në qafë dhe në gojë një cigare, e cila sipas revistës përmbante drogë. Në ato vite Jolie nuk fshihte biseksualitetin e saj si dhe përdorimin e drogës

Fotot janë shpërndarë nga një ish- shok i aktores, dhe rrezikojnë të çojnë në një krizë të re martesën, pavarësisht deklaratave të fundit të Angelinës e cila duke iu referuar Brad thoshte se ndihej mirë me të dhe se ishte një baba shumë i mirë për fëmijët.

Ndoshta Brad Pitt është në dijeni të së kaluarës së saj, por ndryshe është ta dish dhe ndryshe është të shikosh në faqet e para të gazetave dhe faqeve online në të gjithë botën.

Dhe titulli i artikullit i shoqëruar dhe me fotot në Star Magazinë është provokativ “Fotot që do të ndajnë Jolie- Pit.