Prishtinë. Sindikata e Punëtorëve të PTK-së ka reaguar të enjten kundër miratimit në parim nga Kuvendi i Kosovës të propozimstrategjisë së Qeverisë për privatizimin e PTK së. Drejtuesit e Sindikatës thonë se do të vazhdojnë me kundërshtimin e privatizimit.

Drejtuesit e Sindikatës mendojnë se votimi nuk është kryer si duhet, pasi në sallë nuk ishin prezentë shumica e deputetëve. Kryetari i sindikatës Milazim Alshiqi thotë se vetëm 30 për qind e deputetëve kanë votuar për këtë strategji.

“Unë besoj se është një shqetësim i madh për të gjithë se si është marrë vendimi në Kuvendin e Kosovës. Nga proporcioni i deputetëve del se vendimi i deputetëve është në një 30%, pra i vogël”,ka thënë ai.