Pavarësisht shkurtimeve në buxhet, qeveria shqiptare ka gati mbi 320 projekte në rrugët dytësore dhe tretësore në të gjithë vendin.

"Jemi zotuar për 7 mijë km rrugë gjatë këtij mandati, jemi zotuar për programin Shqipëria tërësisht e asfaltuar dhe do ta zbatojmë deri në fund", tha Kryeministri Berisha në mbledhjen e komitetit për zhvillimin rajonal.

Përveç 320 projekteve, do të realizohen dhe ato për rrugët rajonale që financohen nga FSHZH. "Këto rrugë janë me impakt të madh për qarqet. Janë rrugë, për të cilat në 4 vjet qeveria ka garantuar dhe 400 milion USD të tjera, e në rast nevoje do të garantohen edhe më shumë”, tha Berisha.