Si pasojë e krizës së fundit me gazin rus, Komisioni Evropian planifikon që të investojë 3.5 miliardë euro në rrjetin evropian për bartjen e emergjenteve.


Sipas informatës së “Dojçe Veles”, me këto mjete duhet që rrjetet kombëtare të vendeve të Bashkimit të lidhen më mirë ndërmjet veti. Kështu, këto vende në rast të krizës mund më lehtë t’i ndihmojnë njëri tjetrit me dërgimin e burimeve energjetike nga rezervat e tyre.


Aktualisht, për shkak të kontestit ruso-ukrainas për shkak të borxheve të mbetura për gazin, më 7 Janar u ndërpre edhe transiti i këtij burimi energjetik për Evropën. Andaj, me qindra mijëra banorë thuajse dy javë mbetën pa nxehje në njërin prej dimrave më të ftohtë gjatë viteve të fundit.