- Rreth 400 turistë, kryesisht nga vendet skandinave, janë evakuuar nga hotelet bregdetare në Samos për shkak të zjarreve pyjore, të cilët po tërbojnë në ishullin grek, njoftoi shërbimi zjarrfikës lokal.

Turistët dhe banorët lokalë janë evakuuar si masë parandaluese dhe me siguri do të marrin leje që sot të kthehen në hotele, ku qëndrojnë ose në shtëpitë e tyre.

Evakuuimi është kryer me ndihmën e policisië, armatës dhe me autobusët turistikë.

Zjarret tashmë kanë mbërritur deri te shtëpitë e para në vendbanimet Vocalakia dhe Maratokambos.

Tani për tani nuk ka informata për viktima eventuale ose dëme të shkaktuara materiale.

Gjashtë aeroplanë për shuarjen e zjarreve dhe pesë helikopterë janë inkuadruar në operacionin për ballafaqimin me stuhinë e zjarrtë. Në ishull, ku këtyre ditëve temperatura lëviz midis 37 dhe 39 gradë Celsius, është shpallur gjendje e jashtëzakonshme.