Vlera e shportës konsumatore për ushqim dhe pije për një familje katëranëtarëshe, e llogaritur në bazë të çmimeve në pakicë, në korrik të këtij viti është 11.892 denarë dhe në krahasim me muajin parapral është më i ulët për 2,3 për qind.

Sipas të dhënave të Entit shtetëror për statistikë, shpenzimet për jetesë janë zvogëluar për 0,4 për qind që është rezultat i indekseve më t vogla të perimeve për 16,8 për qind, vezët për 0,6 për qind, mishi për 0,5 për qind dhe qumshti dhe kosi për 0,1 për qind.

Në korrik, zvogëlimi i indeksave të shpenzimeve të jetesës është vërejtur tek mjetet e komunikacionit për 1,8 për qind, veshja për 0,7 për qind dhe mbathjet për 0,3 për qind.

Rritje e indeksit të shpenzimeve të jetesës është vërejtur tek yndyrnat për 3,4 për qind, pemët për 2,3 për qind, prodhimet e drithave për 1,2 për qind, perimet e përpunuara për 0,7 për qind, përpunimet e peshkut për 0,6 për qind, përpunimet e mishit për 0,4 për qind, prodhimet e qumishtit për 0,3 për qind, pemët e përpunuara, peshqit dhe pijet joalkoolike për 0,1 për qind.

Gjithashtu, rritje e indeksit të shpenzimeve të jetesës është vërejtur tek barërat për 2,2 për qind, shërbimet për arsim dhe zhvillim për 2 për qind, derivatet e naftës për 0,8 për qind.

Në nivel të muajit paraprak mbeti indeksi i grupit duhan dhe pije.

Indeksi i çmimeve me pakicë në korrik të vitit 2010, në krahasim me korrikun e vitit 2009, shënon rritje prej 2,2 për qind, ndërsa shpenzimet e jetesës shënojnë rritje prej 1,5 për qind.