E shtunë, 20.12.2014
Impresum - Marketing - Arkiva - Kontakt

Yll Press

Për këtë projekt rrugor, i cili është një prioritet i madh nacional pas autostradës Durrës-Kukës-Morinë, janë ndarë 200 milionë euro në buxhetin e shtetit shqiptar. Kaba beson se ky projekt do të vihet në funksion për tre vjet. Ai theksoi se për ndërtimin e tuneleve dhe urave do të angazhohen kompani të jashtme për ndërtimtari
Rruga e Arbrit gati nė vitin 2013








Arbana QORMEMETI

“Rruga e Arbrit”, e cila lidh Tiranën me kalimin ndërkufitar “Bllatë” me Shqipërinë po ndërtohet me një dinamikë të madhe. Projektuesi i rrugës, Faruk Kaba thekson se pjesa më e madhe e trasesë së rrugës është ndërtuar, kurse për gërmim të disa pjesëve malore mbeten edhe 40 kilometra.

“Por, punët shkojnë pak si ngadalë pasi traseja kalon në një pjesë të vështirë malore ku duhet angazhim maksimal”, shtoi ai. Sipas Kabës, në pjesën e mbetur parashihet të ndërtohen dy tunele, njëri 4 përderisa tjetri në një gjatësi prej një kilometër. Po ashtu, do të ndërtohen edhe disa ura, njëra prej tyre do të jetë e lartë 100 metra e cila deri më tani nuk është ndërtuar në Shqipëri.

Për këtë projekt rrugor, i cili është një prioritet i madh nacional pas autostradës Durrës-Kukës-Morinë, janë ndarë 200 milionë euro në buxhetin e shtetit shqiptar. Kaba beson se ky projekt do të vihet në funksion për tre vjet. Ai theksoi se për ndërtimin e tuneleve dhe urave do të angazhohen kompani të jashtme për ndërtimtari. Për ndërtimin e urave në autostradën Durrës-Kukës u angazhua firma maqedonase “Granit”, e cila ka një përvojë me renome të lartë për ndërtimin e rrugëve dhe ura të shumta në Shqipëri.
Përndryshe, distanca Tiranë-Blatë, e cila është 183 kilometra, më ndërtimin e “Rrugës së Arbrit” do të zvogëlohet për 80 kilometra. Kryetarët e Komunës së Dibrës dhe asaj të Peshkopisë, Argëtim Fida dhe Ilir Krosi, në disa raste kanë potencuar rëndësinë e këtij projekti gjigant, sepse hap rrugët e zhvillimit ekonomik në mbarë rajonin.

Falë rrugës më të shkurtër sidomos deri në vendin bregdetar Durrës, Dibra pritet të jetë unaza kyç për transportin ndërkombëtar. Gjithashtu, shumë më afër do të jetë edhe lokaliteti turistik, Shën Gjini, ku klima është identike me atë të Ulqinit, që do të thotë lëvizje edhe më e madhe e veturave dhe udhëtarëve të shumtë nga të gjitha viset e Maqedonisë dhe më gjerë. Të dy kryetarët vlerësojnë se ndërtimi i autostradës “Rruga e Arbrit” do të thotë rilindje dhe ardhmëri më e mirë dhe më efikase për mbi 400 mijë banorë në të dyja anët e kufirit.

Me ndërtimin e Rrugës së Arbrit do të shkurtohet kohëzgjatja e udhëtimit Shkup-Tiranë nga 6 në 3 orë.

Publikuar: 16.08.2010 | 17:24
Lexuar: 2755 herė
Printo PDF format Shto nė,..

Komentet

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime