Në shkollat e mesme publike në Maqedoni sot është afati i dytë i regjistrimit për paraqitje dhe regjistrim të nxënëseve në vitin e parë në vitin 2010/2011. Rezultatet do të shpallen pasnesër.

Ministria e Arsimit dhe Shkencës kumtoi se në afatin e gushtit ka 15.332 vende në të gjitha komunat në Maqedoni. Prej tyre, 3.733 janë për arsim në gjimnaze, 2.273 për arsim në gjuhën maqedonase, 1.212 në gjuhën shqipe, 210 për arsim në gjuhën turke, 33 në gjuhën serbe dhe pesë vende për përsëritës.

Në arsimin e mesëm profesional të lira janë 11.446 vende, nga të cilat 6.625 për arsim në gjuhën maqedone, 4,425 shqip, 345 për gjuhën turke dhe 51 vend për përsëritës.

Në 18 shkolla të mesme në Shkup, të lira janë gjithsej 4.477 vende, kurse prej tyre 2.146 për arsim në gjuhën maqedone, 2.171 për arsim në gjuhën shqipe dhe 160 për arsim në gjuhën turke.