Shkalla e papunësisë në Gjermani nuk ishte aq e ulët që nga viti 1992, publikoi sot "Di Velt".

Gazeta thekson se në Gjermani janë regjistruar 3,2 milionë persona të papunësuar dhe se numri kaq i vogël ka të bëjë para se gjithash me rritjen e fuqishme ekonomike që është shënuar në kuartelin e dytë nga ky vit.

Nga Lidhja gjermane e odave tregtare dhe industriale (DIHK) theksojnë se shkalla e papunësisë këtë vit është më e vogla në 20 vitet e fundit. Në pesë vitet e fundit numri i personave të papunësuar ishte për 1,6 milionë njerëz më shumë.

Sipas raportit të DIHK-së më shumë njerëz me arsim të mesëm arrijnë të gjejnë punë.