Prodhuesi amerikan i telefonave celularë Motorola publikoi se deri në fund të këtij viti do të lëshojë në shitje "smartfon" nën sistemin operativ të Gugël me kod të hapur Android, me procesor prej dy gigahercëve.

Në të do të jetë i instaluar edhe procesori më i ri i Nvidia, ndërsa do të ketë edhe zhiroskop (pajisje për matje të këndeve të sendeve me të cilat është i ndërlidhur) si dhe opsion për realizimin e video përmbajtjeve në teknologjinë me rezolutë të lartë.

Sipas mediave franceze, mbetet të shihet nëse këta dy gigahercë do të përdoren realisht dhe çfarë ndikimi do të ketë në autonominë e punës së telefonit të ri.