Zëvendëskryetari i Qeverisë së Republikës së Maqedonisë i angazhuar për çështjet evropiane Vasko Naumovski sot studentëve me bursë do ua dorëzojë marrëveshjet për studimet pasuniversitare jashtë vendit nga lëmia e drejtësisë, ekonomisë dhe politikës së BE-së për vitin akademik 2010/2011.

Qeveria përmes Sekretariatit për çështje evropiane ka tetë vjet me rradhë që ndan bursa për studimet pasuniversitare nga sfera e BE-së jashtë vendit.

Nga viti 2010 bursat për studime pasuniversitare nga fusha e juridikut, ekonomisë dhe politikës së BE-së për vitet akademike 2010/2011 ndahen për nder të ish- zëvendëskryeministres për çështje evropiane Gabriella Konevska-Trajkovska dhe emërtohen "Gabriella Konevska-Trajkovska".