Një delegacion i BDI-së vendosi lule pranë pllakës përkujtimore në Shtëpinë e lindjes së Nënës Terezë në Shkup

Një delegacion i Bashkimit Demokratik për Integrim sot ka vendosur lule pranë pllakës përkujtimore të shtëpisë së lindjes së Nënës Terezë në Shkup, me rastin e 100 vjetorit të lindjes së saj, njofton Shërbimi informativ i BDI-së.

Rafis Haliti, nënkryetar i Parlamentit të Maqedonisë, që kryesonte delegacionin e BDI-së, në prononcimin e tij para gazetarëve deklaroi se kjo ditë është e madhe për gjithë shqiptarët, për të gjithë qytetarët e Maqedonisë dhe gjithë njerëzimin mbarë botën.

"Ky vit Jubilar shënohet me një sërë aktivitetesh që në mënyrë më madhështore të shënojmë 100 vjetorin e lindjes së nënës së madhe shqiptare, Nënës Terezë. Është kënaqësi që Nënë Tereza lindi në Shkup nga një familje shqiptare, por ajo me veprat e saja i takon gjithë njerëzimit", u shpreh Rafis Haliti.