Nëse mbani mend një vajzë të vogël dhe të brishtë, tani harrojeni! Samanta Karavella, 20-vjeçare ka lënë pas përfundimisht portretin e vajzës së vogël që emocionohej në garën e “Etheve” për t’u shfaqur tashmë si një femër me linja të bukura dhe shumë sexy. Siç e shihni në këtë foto, këngëtarja e veshur me bikini ngjyrë pink pozon si një profesioniste e vërtetë duke i dhënë pompozitet trupit, gjë që s’e kishte bërë asnjëherë më parë.

Ndryshimin e madh ajo e bëri në xhirimet e klipit të saj veror me titullin “Le të jetë”, që u publikua disa javë më pare në kanalet muzikore. Ajo u shfaq për herë të parë me bikini në këtë klip të nxehtë, xhirimet e të cilit u realizuan në plazhin e Dhërmiut. Kënga e rrymës “r&b house” u kompozua nga Big Basta dhe u orkestrua nga Edlir Begolli.

Klipi ka sekuenca shume të bukura, të një aventure që ndodh në plazh. Pas këtij klipi Samanta u fotografua nga paparaci i “Panorama Plus”, ndërsa pushonte me shoqërinë e saj në pishinat e Tiranës.