Ministri i Ekonomisë, Tregtisë dhe Energjetikës, Dritan Prifti, shprehu të martën shqetësimin e tij për sulmet siç tha ai që PS ka drejtuar ditët e fundit ndaj disa kompanive koncesionare.

"Koncesionarët janë të shqetësuar sepse bankat po tërhiqen nga mbështetja që i kanë ofruar për koncesionet, dhe po ashtu dhe kompanitë investitore, që do të jepnin fondet për koncesionet", tha ai.

Nga këto sulme, tha Prifti, rrezikojmë të kemi më pak investime në vend, sepse investitorët tërhiqen nga këto lloj sulmesh që krijojnë një pasiguri tek biznesi, tek investimi dhe një pasiguri për të ardhmen.