Bar Refaeli është duke u përgatitur për javën e modës në Nju Jork, që do të mbahet gjatë shtatorit dhe sheh shumë kolege në agjencinë e modës, të cilat i konsideron si tepër thatanike.

E dashura e Leonardo DiCaprios, në blogun e saj në Twitter, ka folur rreth asaj se si është e tmerruar me pamjen e kolegeve të saj më të reja.

“Jam aq e pikëlluar kur në agjenci shoh modele 15-vjeçe të zbehura dhe në ekstrem thatanike, të cilat dridhen dhe duken të uritura. Kur do t’i vjen kësaj fundi”, pyet bukuroshja 25-vjeçe.

Bar e kundërshton kirurgjinë plastike dhe metodat jo natyrale për arritjen e pamjes së bukur dhe ajo vazhdimisht insiston se bukuria e saj shtrihet në gjenet e mira dhe mënyrën e shëndoshë të të jetuarit.