Christina Hendricks zbuloi se gjinjtë e mëdhenj, në bazë të të cilëve është e njohur, nuk paraqesin asnjë përparësi. Aktores nga seria “Mad Men”, e pengon fakti që për shkak të gjinjve të mëdhenj, ajo nuk merr fustane në huazim sikurse yjet tjera.

"Edhe pse të tjerët për mua flasin mirë, disenjatorët gjithmonë më shmangen. Ata e kanë praktikë që të japin fustane me numra të vegjël, kështu që edhe më tutje jam duke luftuar që dikush të m’i jap fustanet e mallkuara", tha aktorja. Ajo shtoi se me po këta gjinj kishte luajtur edhe në seritë e tjera, por asnjëri nuk e ka bërë të njohur sikur "Mad Men”.

"Kam qenë e pavërejtur. Tani njerëzit më afrohen dhe dëshirojnë të më njohin, ndërsa unë tërë kohën mendoj se me po këta njerëz kam qenë në ndeja, por ata nuk më kanë mbajtur mend", pohon Christina.

Edhe pse nuk arrin të marrë fustane nga disenjatorët, aktorja di edhe vet të zgjedh. Së paku kështu mendon Jessica Simpson, e cila tha se pikërisht stili i Christina-s ishte më i miri në ceremoninë e “Emmy Awards”.