Fabrika me nisjen e operimit ka treqind puntorë dhe sipas planit të biznesit deri në fund të prillit të vitit të ardhshëm ky numër pritet të arrij vlerë katërshifrore.
Në Prishtinë, filloi me punë fabrika Kosovatex për prodhimin e xhinseve dhe konfeksioneve.
Kjo fabrikë është pajisur me teknologji bashkëkohore të avansuar në fushën e tekstilit me çka mundësohet kapacitet i lartë i prodhimit dhe kualitet sipas standardeve më të larta në këtë industri.
Për këtë qëllim, deri më tani në Kosovatex janë bërë mbi pesë milionë euro investime kapitale duke e bërë atë një ndër ndërmarrjet më të sofistikuara, jo vetëm në Kosovë por edhe në rajon e më gjerë.
Fabrika me nisjen e operimit ka treqind puntorë dhe sipas planit të biznesit deri në fund të prillit të vitit të ardhshëm ky numër pritet të arrij vlerë katërshifrore.
Me prodhim kryesisht të orientuar për eksport, Kosovatexi synon të bëhet qendër e industrisë tekstile në Ballkan.
Fabrika kosovare do të bashkpunojë me klientë ndërkombtarë duke përfshirë edhe brende të njohura botërore si Hugo Boss, Diesel, Levis, Replay, Otto Kern, Mustang, Pierre Cardin, etj. me të cilët veç më janë duke u zhvilluar raportebashkpunimi.
Drejtorët e fabrikës, Z. Nexhmedin Ejupi dhe Z. Kamal Canakapalli njëzëri thanë: Këtu në Prishtinë kemi zhvilluar një fabrikë që plotëson standarde të klasës botërore në industrinë e konfeksioneve.
Z. Canakapalli, më tutje shtoi: në Kosovatex janë instaluar paisje të fjalës së fundit të teknologjisë e cila do të mundësoj prodhimtari efikase me kualitet të lartë, por gjithashtu edhe hapësirat e fabrikës janë dizejnuar me kritere për shfrytëzim optimal të energjisë dhe për të krijuar kushte shumë të rehatshme pune.
Makinën për prerje automatike të firmës së njohur franceze Lectra, që mundëson precizitet dhe efikasitet të lartë në fakt, për mua si drejtues i kësaj fabrike kjo makinë paraqet krenari të veçant duke patur parasysh se në regjion jemi të parët që e posedojmë, por madje edhe gjetiu, si p.sh. ne Itali, rrallë fabrika posedojnë një paisje të tillë moderne. Më tutje, linjat e prodhimit kompletohen me makinat automatike për qepje që sigurojnë kualitet konzistent, dhe teknologjinë e fundit për ngjyrosje dhe larje komponentë kyçe kjo në prodhimin e xhinseve me dizenjeautentike.
Edhe standardi i menaxhimit po ndërtohet mbi baza të praktikave më të njohura nga fusha në fjalë, duke veçuar njësinë e kontrollit të kualitet që vjen nga Gjermania, dhe që në mënyrë të vazhdueshme mbikqyr procesin e prodhimit dhe bënë optimizimin e tyre për të rritur cilësinë.
Z. Canakapalli, është inixhinier i kualifikuar i tekstilit nga Instituti Indian i Teknologjisë, me eksperiencë 25 vjeçare në industrinë e tekstilit dhe ka menaxhuar me ndërmarrje lidere nga industria e tekstilit që prodhojnë produkte për brende të njohura si Polo Ralph Lauren, Tommy Hilfiger, Calvin Klein, Dockers, Levis, Marks & Spencer, Abercrombie & Fitch, Nike, Polo, Lacoste dhe të tjera. Në vazhdim, Z. Canakapalli, përmendi: unë si shtetas i huaj, por gjithashtu edhe kolegët e mi nga Gjermania, nuk e kemi patur të vështirë integrimin me personelin e këtushëm dhe tani më ndjehemi shumë mirë në Prishtinë, gjë që e bën punën tonë edhe më të kënaqshme.
Z. Nexhmedin Ejupi, gjithashtu me përvojë të gjatë në fushën e tekstilitka patur role të ndryshme në Kosovatex qënga viti 1981. Më tutje ai do të shprehë: dua të shtoj se për mua si pjesë e Kosovatexit për kaq vite, kjo ngjarje është edhe emocionale nga një gjendje, kur kompleksi i fabrikës po shndrrohej në një ngrehinë të papërdorshme, sot me projektin e ri, kemi arritur të krijojmë një kapacitet prodhues që do të gjeneroj qindra vende pune.
Kosovatex u privatizua me spin-off special në procesin e privatizimit në Kosovë kushtet e të cilit parashihnin investim prej katër milion eurosh, dhe dyqind të punësuar, të cilat janë tejkaluar si me investimin e bërë, mbi pesë milionë euro, poashtu edhe me numrin e te punësuarëve, që tejkalohet për njëqind sish, dhe tashmë paraqet një model të suksesshëm të këtij procesi. Për këtë falenderojmë në veçanti edhe AKP-në për punën profesionale dhe përkrahjen e jashtëzakonshme në procedurat përkatëse që kanë ndihmar realizimin e suksesshëm të këtij projekti.
Z. Nexhmedin Ejupi, për fund tha: Me rastin e hapjes së fabrikës,ne do të organizojmë një ceremoni solemne më 15 Shtator 2010,kur do të shpaloset edhe një suprizë e veçantë e Kosovatexit.
