Kryetarja e Kuvendit, Jozefina Topalli shtroi të mërkurën një Iftar ku ishin të ftuar Kryetari i Komitetit Mysliman, Selim Muça, myftitë e të gjitha qarqeve, krerë të komuniteteve të tjera fetarë në Shqipëri, deputetë dhe personalitete të fushave të ndryshme.

Sipas njoftimit zyrtar nga Kuvendit, Kryetarja Topalli e vlerësoi Muajin e Ramazanit si muaj të jashtëzakonshëm për gjithë besimtarët myslimanë në Shqipëri, Kosovë, Maqedoni dhe në mbarë botën.

"Ky është një muaj, ku si asnjëherë tjetër, të gjithë ne ndiejmë sesa e madhe është forca dhe fuqia që të jep besimi për të qëndruar përpara dhimbjes, për të besuar në ditë më të mira, për t'u udhëhequr nga besimi dhe morali më i mirë. Janë momente ku të gjithë ne përjetojmë dhe kuptojmë se jemi fëmijë të Zotit; me diferencat tona, ne të gjithë jemi të barabartë", tha Topalli në fjalën përshëndetëse drejtuar të ftuarve