Tre persona janë vrarë në një sulm të armatosur mbrëmë në QT "Tri Biseri" në Shkup

Tre persona janë vrarë në një sulm të armatosur i cili ndodhi mbrëmë në restorantin për peshq pranë kioskut për sanduiçë "Sedmica" në QT "Tri Biseri" në lagjen Aerodorm të Shkupit.

Sipas informacioneve të para të MPB-së, sulmuesi në restorant ka hyrë rreth orës 19 e 45 minuta dhe ka shtënë me pushkë automatike, pas së cilave me automjet menjëherë është arratisur nga vendi i ngjarjes.

Në incidentin një person humbi jetën në vendin e ngjarjes, ndërsa dy të tjerë janë lënduar dhe janë transferuar në Qendrën Emergjente.

"Në Qendrën Emergjente janë sjellë dy persona me plagë nga armë zjarri. Njëri prej tyre menjëherë u është nënshtruar plagëve, ndërsa tjetri ka ndërruar jetë në sallën e intervenimeve. Ka pasur plagë nga armë zjarri në pjesën e kokës dhe gjoks", deklaroi Rexhep Selmani, drejtor i Qendrës Emergjente.

Policia po bën kërkime pas sulmuesit, ndërsa detaje për ngjarjen paralajmëroi për sot në konferencë për shtyp.