Kryeministri i Kosovës, Hashim Thaçi ka mbërritur në Tiranë, ku sot do të zhvillojë një takim zyrtar me homologun e tij shqiptar, Sali Beisha. Të dy kryeministrat do të japin edhe një konferencë të përbashkët për shtyp.
Kjo vizitë e kryeministrit Thaçi vjen vetëm pak ditë para fillimit të Sesionit të përvitshëm të Asamblesë së Përgjithshme të OKB-së, ku autoritete më të larta të Prishtinës dhe Tiranës do të lobojnë së bashku gjatë punimeve të Asamblesë, në mënyre që deri në fund të vitit të rritet ndjeshëm numri i vendeve që do të njohin pavarësinë e Kosoves.
Mbrëmë, ndërkaq, në mjediset e hotel Rognerit, kryeministri Hashim Thaçi mori pjesë bashkë me kryeministrin Sali Berisha në ceremoninë e promovimit të librit Jeta ime-Intervistë me Blendi Fevziun të gazetarit Blendi Fevziu. Në këtë promovim ishin të pranishëm edhe presidenti Bamir Topi si dhe personalitete të tjera politike e mediatike nga Shqipëria dhe Kosova.
