Në Entin republikan për mbrojtje shëndetësore sot janë paraqitur 135 raste të reja të infektimit nga shytat me çka numri i përgjithshëm i rasteve të regjistruara në vitin 2009 duke përfshirë edhe ditën e sotme është 2.025 persona, njoftoi Ministria e Shëndetësisë.

Numër më të madh të të infektuarve ka në Shkup (41),Prilep(18), Gjevgjeli (13)dhe Strumicë (11).

Nga numri i përgjithshëm i të infektuarve, më shumë raste janë regjistruar në Shkup (422) dhe në Kavadar (207). Janë hospitalizuar 10 persona prej të cilëve shtatë nga Shtipi, dy nga Shkupi dhe një në Prilep.

Në shkollat e mesme sot filloi vaksinimi i nxënësve kundër shytave të cilët nuk janë vaksinuar ose nuk janë vaksinuar tërësisht, ndërsa janë në grupin e moshës prej 15 deri 19 vjeçare.

Përveç se nëpër shkolla ekipe kujdestare për vaksinim kundër shytave ka edhe nëpër ambulanca. Gjatë vaksinimit nuk do të ketë ndërprerje të mësimit.