Arran Fernandez, 15-vjeçar, i cili kurrë nuk ka shkuar në shkollë, është regjistruar në Cambridge, duke u bërë studenti më i ri në këtë universitet prestigjioz në 200 vjetët e fundit.

Arran Fernandez, gjeniu i matematikës, është shkolluar në shtëpi. E ka mësuar babai i tij Neil, i cili është shumë krenar që djali i tij është pranuar në kolegjin Fitzwilliam të Universitetit Cambridge.

Djaloshit i është ofruar vendi në këtë universitet prestigjioz me kusht që të arrijë rezultat të shkëlqyeshëm në testin e fizikës, gjë që ai e ka arritur. Vitin e kaluar ka arritur rezultat të shkëlqyer edhe nga matematika, ndërsa vlerësime të shkëlqyeshme ka marrë edhe në testet e anglishtes dhe frëngjishtes.

Universiteti i Cambridget nuk ka pranuar studentë të tillë të rinj që nga viti 1773, kur William Pitt Jr. u bë student i tyre me vetëm 14 vjet.