Pop këngëtarja Madonna, e cila aktualisht është regjisore e filmit “W.E.”, ka vendosur që në një nga rolet në këtë film të luajë edhe vajza e saj Lourdes, raporton gazeta britanike “Daily Mail”.

Lourdes (13) është parë në vendin ku po xhirohet filmi në Londër, ku në shoqëri të vëllezërve përcolli xhirimet, dhe pastaj hoqi uniformën e shkollës dhe iu bashkua ekipit të filmit.

Akoma nuk dihet se çfarë roli do të ketë Lourdes, por është e sigurt se ky do të jetë debutimi i saj në film.

Debutimi i Madonnas me regji ishte në filmin “Filth and Wisdom”, i cili ka kaluar keq si tek publiku ashtu edhe tek kritikët.