Kryeministri grek Jorgos Papandreu mbrëmë kreu rikonstruksion të Qeverisë.

Vendet në Kabinetin e tij do t'i ruajë zëvendëskryeministri Teodoros Pangalos, ministri shtetëror Haris Pambukis, ndërsa gjithashtu edhe ministrat e Financave - Jorgos Papakonstantinu, i Punëve të Jashtme - Dimitris Drucas, i Mbrojtjes - Evengelos Venizelos, e Arsimit - Ana Diamandopolu, i Infrastrukturës, Transportit dhe Rrjeteve - Dimitris Repas, e Mjedisit Jetësor, Tina Birbili dhe ministri i Kulturës dhe Turizmit, Pavlos Gerulanos.

Kabineti i ri është më në numër dhe përbëhet nga 48 anëtarë, në krahasim me 37 anëtarët e deritanishëm. Në të do të ketë 16 ministrat, shtatë zëvendësministra, por në rang të ministrave të dytë dhe 24 zëvendësministra (në Kabinetin paraprak kishte 19).

Nga Kabineti i deritanishëm janë larguar Katerina Badzeli - ministre e Zhvillimit Agrar, ndërsa gjithashtu edhe dy zëvendësministra. Në vend të saj vjen Kostas Skandalidis.

Në Kabinetin e ri hynë ministra të cilët kanë marrë pjesë në qeveritë e ish-kryeministrave socialistë Andreas Papandreu dhe Kostas Simitis, si dhe Kostas Skandalidvis, Hristos Papucus dhe Tilemahos Hitiris.

Ministrinë e re të Çështjeve Detare dhe Ishujve e ndërmori deputeti i vjetër i PASOK-ut - Janis Diamandidis.

Ministri i deritanishëm për Mbrojtjen e Qytetarëve, Mihalis Hrisohoidis është zhvendosur në Ministrinë e Zhvillimit dhe Konkurrencës. Andreas Loverdos nga Ministria e Punës bëhet Ministri e Shëndetësisë.

Zëvendësministri i deritanishëm i Punëve të Jashtme, Dimitris Drucas, tani do të avancohet në ministër të Punëve të Jashtme, funksion të cilin deri më tani e ka kryer, por në rang të ministrit të dytë, sepse Papandreu formalisht e ka pasur funksionin.

Luka Kaceli nga Ministria e Ekonomisë është zhvendosur në Ministrinë e Punës, ndërsa ministrja e deritanishme e Shëndetësisë, Mariliza Ksenojakopolu bëhet zëvendësministre e Jashtme me rang të ministrit të dytë dhe do të përgjigjet për çështje evropiane.

Minsitrat e rinj do të japin sot betimin para presidentit të vendit, ndërsa këshilli ministor në përbërjen e tij të re do të mbajë mbledhje të premten në Selanik.