Me anë të një njoftimi, Forumi i Rinisë së LDK-së, ju bënë thirrje të gjithë të rinjve që synojnë të ndërtojnë karrierë politike në shërbim të interesave të qytetarëve dhe shtetit të Kosovës, të angazhohen dhe të përfshihen në procesin shumë të rëndësishëm dhe të bëhen pjesë aktive e Lidhjes Demokratike të Kosovës.

Në këtë njoftim thuhet se, LDK-ja, gjithmonë ka qenë dhe do të jetë parti e hapur, parti e ideve dhe veprimeve të guximshme, parti moderne që ofron mundësi të mëdha për lidership, për realizimin e potencialeve të gjeneratës së re, me energji dhe ide të reja.

Forumi i Rinisë i Lidhjes Demokratike të Kosovës, e shpreh fuqishëm mbështetjen e vet për liderin e Lidhjes Demokratike të Kosovës, Fatmir Sejdiu që të jetë kryetar i LDK-së, edhe për një mandat.