Në pjesën veriore të Mitrovicës, afër konvikteve të studentëve, sot në orët e para të mëngjesit është hedhur një mjet shpërthyes, por nuk ka të lënduar, njofton mediet serbe.

Me rastin e shpërthimit, që ka ndodhur rreth orës 03:00 të mëngjesit, janë dëmtuar shumë automjete dhe shitore përreth.

Siç raportojnë mediet, shënjestër e sulmit kanë qenë me siguri veturat e pjesëtarëve të Policisë së Kosovës.

Tash për tash nuk ka njoftime të tjera rreth këtij rasti, porse bëhet e ditur se po vazhdojnë hetimet.

Dy net më parë në Mitrovicë, në Kodrën e Minatorëve, u vra një shqiptarë. Dorasit ende nuk janë kapur. Por, është gjetur vetura me të cilën dyshohet se është kryer akti i vrasjes.

Rasti ndodhë në ditën kur në Asamblenë e Përgjithshme të KB diskutohet për rezolutën e modifikuar të Serbisë mbi Kosovën, me të cilën praktikisht miratohet Mendimi i GJND-së, që nuk e konteston pavarësinë e Kosovës.