Gjermanisë nga viti 2015 do t’i duhen së paku 500 mijë emigrantë të kualifikuar nga jashtë, nëse dëshiron që fuqia ekonomike të mbetet në nivelin aktual.

Nga mesi i kësaj dekade, ekonomia gjermane do të fillojë të “humbë” 250 mijë persona në vit, të punësuarit do të moshohen edhe më shumë, ndërsa do të rritet numri i të pakualifikuarve, transmetojnë mediet gjermane.

Propozimi për “importimin” e punëtorëve të shefit të Institutit gjerman për hulumtime ekonomike, Klaus Cimerman, ka ardhur në momentin kur në Gjermani po debatohet ashpër për emigrantët dhe nevojën e integrimit më të mirë të tyre.

Cimerman konsideron se është i padiskutueshëm fakti se Gjermanisë do t’i duhen më shumë emigrantë nëse dëshiron të ruajë prosperitetin e tanishëm