Kryeministrja australiane Xhulia Gilard sot e emëron Qeverinë, katër ditë pasi koalicioni i saj ishte përkrahur nga dy deputetë të pavarur.

Për ministër të Punëve të Jashtme është emëruar kryeministri i mëparshëm Kevin Rad, ndërsa shefi i mëparshëm i diplomacisë Stiven Smit është ministri i ri i Mbrojtjes. Ministre e re e Financave do të jetë Peni Vong, e cila paraprakisht ishte e caktuar për ndryshimet klimatike. Kris Boven do të jetë ministër i Emigrimit.

Me votat e deputetëve të pavarur Toni Vindzor dhe Rob Ousshot, kryeministrja Gilard mori kontrollin mbi 76 nga gjithsej 150 vende parlamentare në Parlament, me çka u evitua përsëritja e zgjedhjeve dhe u mundësua formimi i Qeverisë pakicë.