Një paketë e gjerë reformash e arritur mes bankierëve dhe rregullatorëve dhe që ka si qëllim të sigurojë mospërsëritjen e një krize globale financiare, u kërkon bankave që të paktën të trefishojnë rezervat e kapitalit.
Kjo masë shihet si një pjesë kyçe e një marrëveshjeje mes bankierëve në botë dhe rregullatorëve dhe u arrit të dielën në qytetin zviceran të Bazelit.
Në bazë të rregullave të reja, bankave do t'u kërkohet që të mbajnë një kapital rezervë prej të paktën 7 për qind nga asetet që mbartin risqe.
Kryeredaktori i BBC-së për Biznesin thotë se këto ndryshime kanë një rëndësi historike dhe janë përpjekja më ambicioze për forcimin e sistemit global bankar që prej krizës financiare të 2008. Kjo marrëveshje do të duhet të miratohet në samitin e liderëve të G-20-s në muajin nëntor.
