Euroambasadori Ervan Fuerre sot në Ohër, duke u përqëndruar në zënkat politike lidhur me ngjarjet në vitet e 90-ta, porositi se të gjitha partitë politike duhet të ndëprejnë të merren me të kaluarën dhe të përqëndrohen në ardhmërinë.

"Ne jemi në vend, i cili është i gatshëm t'i bashkangjitet Bashkimit Evropian, vend që bën përpjekje të mëdha, por ka edhe shumë për t'u bërë, vend i cili ka 33 për qind të papunësuar, vend ku 30 për qind të qytetarëve jetojnë nën standardet. Ajo që ka ndodhur në vitin 1995 nuk është çështje që do t'i zgjidhë të gjitha këto probleme", deklaroi Fuerre, i cili në Ohër mori pjesë në konferencën E-Demokraci.