Aksionarët e prodhuesit italian të automjeteve "Fiat" i miratuan planet për ndarjen e prodhimit të automjeteve industriale dhe automobilave në dy kompani të veçanta, që konsiderohet hap kyç në realizimin e qëllimit të drejtorit ekzekutiv të kompanisë Serxho Markioneda të krijojë gjigant automobilistik me përmasa botërore në bashkëpunim me "Krajslerin" amerikan.

Aksionarët vendimin e këtillë e sollën dje me shumicë votash në mbledhjen e jashtëzakonshme.

Ndarja e punëve është kthesë historike për "Fiat-in", i cili është themeluar para 111 viteve si kompani me prodhim të automjeteve dhe që atëherë u shndërrua në konglomerat, duke përfshirë spektër të gjerë të prodhimeve - nga automjetet sportive "ferari" deri tek mekanizimi bujqësoe CNH.