E premte, 25.04.2014
Impresum - Marketing - Arkiva - Kontakt

Yll Press
Publicitet

Ishte viti 1954 kur kjo këmbanë e farkuar nga monedhat e mbledhura nga fëmijët e 60 shteteve iu dhurua Kombeve të Bashkuara nga Shoqata e OKB-së së Japonisë. Që atëherë, për gjysëm shekulli, këmbana ka dërguar porosi të fuqishme në mbarë botën lidhur me aspiratat e njerëzimit për paqe.
21 shtatori, Dita Ndėrkombėtare e Paqes










Dita Ndërkombëtare e Paqes është themeluar nga Kombet e Bashkuara. Ajo shënohet nga qindra miliona njerëz dhe mijëra organizata më 21 shtator të çdo viti.

Dita ndërkombëtare e paqes çdoherë është një ngjarje e posaçme, por këtë herë është edhe më e madhe sepse shënon 50 vjetorin e Këmbanës së Paqes të cilës çdo vit i biejmë në këtë ditë.

Ishte viti 1954 kur kjo këmbanë e farkuar nga monedhat e mbledhura nga fëmijët e 60 shteteve iu dhurua Kombeve të Bashkuara nga Shoqata e OKB-së së Japonisë. Që atëherë, për gjysëm shekulli, këmbana ka dërguar porosi të fuqishme në mbarë botën lidhur me aspiratat e njerëzimit për paqe.

Gjatë gjithë kësaj kohe, prej kulminacionit të Luftës së Ftoftë deri në rritjen e konflikteve përbrenda shteteve, nga përhapja e sidës e deri te eskalimi i terrorizmit, jehona e këmbanës ka mbetur e pandryshuar, e qartë dhe e vërtetë.

Sot, të rënat e këmbanës ne i ndëgjojmë me lehtësim deri sa sjellim ndër mend vuajtjet e vitit të kaluar dhe si burim të forcës duke u përgatitur për sfidat me të cilat do të përballemi. Tash kur këtë javë vendet e botës do të mblidhen në Assamblenë e Përgjithshme të 59-të, ne e dimë se do të ketë shumë probleme para nesh. Për t’i trajtuar ato në mënyrë efektive, unë mendoj se një numër i prioriteteve themelore meritojnë vëmendjen tonë të posaqme.

Ne duhet të vazhdojmë të punojmë për të forcuar sistemin e sigurisë kolektive dhe të sigurohemi që ai i përmbush detyrat karshi kërcënimeve të shekullit 21. Këshilli i nivelit të lartë të cilin e kam emëruar vitin e kaluar është duke punuar shumë për të na dhënë këshilla dhe ide për ta bërë mu këtë gjë.

Ne duhet të ndërtojmë një solidaritet ndërkombëtar më të madh për t’u përballë me katastrofat e rënda humanitare, si ajo e Darfurit.

Ne duhet të kemi më shumë sukses në krijimin e një partneriteti global të mirëfilltë për zhvillim, për të luftuar urinë, injorancën, varfërinë dhe sëmundjet dhe të arrihen Synimet Zhvillimore të Mileniumit që janë miratuar nga të gjitha vendet anëtare si udhërrëfyese drejt ndërtimit të një bote më të mirë në shekullin 21.

Dhe ne kemi nevojë për tolerancë dhe mirëkuptim më të madh ndërmjet popujve të botës. Asgjë nuk mund të jetë më e rrezikshme për përpjekjet tona në ndërtimin e paqes dhe zhvillimit se sa një botë e ndarë në vija fetare, etnike apo kulturore. Në secilin komb dhe në kuadër të të gjitha shteteve, ne duhet të punojmë për të avancuar unitetin e bazuar në humanitetin tonë të përbashkët.

Sot, tingulli i kësaj këmbane le të na frymëzojë në punën tonë drejt këtyre synimeve. Le të jehojë këmbana fortë, qartë dhe vërtetë në mbarë botën.

Muzika dhe pamjet në këtë video janë argëtuese, ndërsa mesazhi përcjell shpresë…

Publikuar: 21.09.2010 | 16:51
Lexuar: 3617 herė
Printo PDF format Shto nė,..

Komentet
adelajda fifo (26/09/2010 15:12:48) that is what the people like peace peace and only peace
klevi (01/10/2011 16:18:50) dita e paqes rofteeeeeeee

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime