Profumo, i cili është menaxher bankar me stazh më të gjatë në Evropë, nga marrja e funksionit të drejtorit në vitin 1997, arriti ta shndërrojë "UniKredit"-in nga bankë rajonale në institucion bankar panevropian me filiale në 22 vende.

Sipas burimeve në bankë, 53-vjeçari Profumo, i cili është i njohur nën emrat "Zotëri Arrogancë" dhe "Alesandro Grande", dorëheqjen e ka zbardhur në letër të dërguar deri te Këshilli drejtues i "UnikRedit"-it, para mbledhjes së tij të sotme kushtuar investimeve të rritura libiane në bankë.

Pritet që Këshilli drejtues i bankës drejtorit të saj Diter Rampël t'i japë afat prej tre javësh që të emërojë drejtor të ri ekzekutiv. Deri në zgjedhjen e drejtorit të ri ekzekutiv këtë funksion do ta kryej Rampël.

Profumo ishte i akuzuar nga mediat, por edhe nga politikanët lokalë se ka lejuar që Libia ta rrisë pjesën e saj në "UniKredit", e cila ballafaqohet me probleme serioze gjatë krizës financiare.

Sipas të dhënave zyrtare, Banka Qendrore e Libisë dhe Fondit sovran shtetëror libian të Tripolit, posedojnë 7,5 për qind nga aksionet e "UniKredit"-it.

Dorëheqja e Profumos pritet t'i japë goditje plotësuese bankës "UniKredit", e cila edhe ashtu ka rezultate të dobëta financiare në punë.