Bashkimi Evropian do të vendosë sistem të koordinuar për paralajmërim, me qëllim që më mirë të regjistrohen efektet e padëshiruara të barnave dhe më shpejt të reagohet në rastet kur një substancë e caktuar tregohet e rrezikshme.

Këtë projekt, të cilin e miratoi Parlamenti Evropian, duhet të hyjë në fuqi deri nga mesi i vitit 2012.

Me të është paraparë formimi i internet sajteve shtetërore dhe evropiane, ku pacientët do të mund të informohen në gjuhën amtare për efektet sekondare të barnave dhe eventualisht të kontribuojnë për pasurimin e bazës të të dhënave me sinjalizimin e pasojave të padëshiruara të cilat vetë i kanë vërejtur gjatë shfrytëzimit të medikamenteve të caktuara.

Një këshill i veçantë për kontroll të barnave pranë Agjencisë Evropiane për barna (EMA) do të publikojë analizë të të dhënave të grumbulluara dhe do të paralajmërojë në rast kur më shumë persona do t'i sinjalizojnë efektet e padëshiruara të lidhura me një barnë të caktuar.

Me projektin është paraparë edhe vendosja e shenjave speciale të barnave të reja, simbol i zi me të cilin pacienti do të paralajmërohet se bëhet fjalë për substancë ndaj të cilës duhet të bëhet kontroll plotësues.