- Ministri grek i Punëve të Jashtme Dimistris Drucas "e kritikoi kryeministrin Nikolla Gruevski për shkak të refuzimit të tij ta vizitojë Nju-Jorkun dhe të takohet me kryeministrin grek Jorgos Papandreu", lajmëroi agjencia greke ANA-MPA.

"Gjithë kohën dhe gjithë energjinë që Shkupi i shpenzon në përpjekjet e saj që të krijojë koncept të caktuar janë orientuar në drejtim të gabuar. Nëse gjithë këtë e paraqiste me qëllim që të gjendet zgjedhje për çështjen e emrit atëherë do të ishim në pozicion shumë ndryshe", deklaroi Drucas.

Sipas tij "Gruevski lë përshtypje se aspak nuk do të kontribuojë në zgjidhjen e kontestit".

Gjatë qëndrimit të tij në Nju-Jork Drucas mori pjesë në takimin joformal të ministrave të punëve të jashtme të NATO-s dhe Rusisë dhe në darkën e punës me shefat e diplomacisë të BE-së dhe MPJ-së ruse. Ai gjithashtu mbajti më shumë takime me disa kolegë të tij të vendeve tjera, lajmëroi ANA-MPA.