Zëvendëskryeministri i Maqedonisë Abdilaqim Ademi pas disa pyetjeve që bënin disa media në lidhje me financimin e projektit “Sheshi Skenderbeu është shprehur nëpërmjet një deklarate për media në të cilën sqaron se “faza e përgatitjes së projektit ideor dhe kryesor është financuar nga Qeveria e Maqedonisë dhe Ministria e Pushtetit Lokal"

Projekti i Komunës së Çairit “Sheshi Skenderbeu”, është i përkrahur me mjete financiare nga ana e Qeverisë së Republikës së Maqedonisë - Ministria e Pushtetit Lokal, mjete të cilat janë të siguruara me rebalancin e buxhetit. Me këto mjete është përkrahur faza e përgatitjes së projektit ideor dhe kryesor.

“Duke nënvizuar edhe njëherë se projekti final do të jetë rezultat i një debati të gjerë publik, në të cilin do të jenë të involvuar përveç ekspertëve edhe opinioni i gjerë , theksojmë se ky projekt ka pëlqimin e Qeverisë së RM-së dhe do të përfundohet në suaza të të gjithë normave të cilat bëjnë rregullimin e kësaj sfere”, thuhet në deklaratën me shkrim e Zëvendës kryetarit të Qeverisë së Republikës së Maqedonisë, Abdilaqim Ademi:
.
Në këtë drejtim Qeveria do të vazhdojë edhe më tutje bashkëpunimin e suksesshëm me Komunën e Çairit.