Rritja e rrogave dhe pensioneve do të jetë një nga tre drejtimet kryesore të buxhetit të shtetit për vitin e ardhshëm.

Në mbledhjen e grupit parlamentar të PD-së, të hënën në mesditë, Kryeministri Sali Berisha vuri në dukje se "Shqipëria është nga të paktat vende në Evropë dhe në botë që është e sigurt në rritjen e pagave dhe pensioneve dhe kjo përbën një arritje shumë të madhe morale të kësaj maxhorance".

Sipas kryeministrit kjo rritje bazohet në performancën e ekonomisë shqiptare.

Kryeministri renditi si një tjetër prioritet të buxhetit të ri edhe infrastrukturën rrugore. "Mbi 400 projekte në këtë drejtim po ecin përpara", tha Kryeministri.