Më shumë se 30 kompani dhe 11 insitucione arsimore nga dita e sotme deri më 1 tetor do të kenë stenda të tyre virtuale në panairin e tretë elektronik për karrierë përmes portalit www.mojakariera.com.mk, me të cilin mundësohet interaksion më i madh midis të rinjve që kërkojnë punë dhe punëdhënësve potencialë në Maqedoni.

Në panairin e organizuar nga Programi Kombëtar për punë praktike dhe punësim "Karriera ime" i cili është i zhvilluar në kuadër të USAID Projektit për konkurrencë, priten që të marrin pjesë më shumë se 3.000 pjesëmarrës nga shkollat e mesme, universitetet dhe shkollat profesionale në Maqedoni.

Programi "Karriera ime" filloi në shkurt të vitit 2009 dhe përmes këtij programi deri tani janë siguruar më shumë se 1.300 vende të strukturuara dhe të organizuara për punë praktike, prej të cilave 170 ishin shndërruar në punësime të përhershme. Momentalisht ka më shumë se 7.900 studentë dhe 380 kompani që janë regjistruar në portal