Ish-presidenti Fatmir Sejdiu, që aktualisht është kryetar i LDK-së, ka mbajtur në orët e mëngjesit një mbledhje me një pjesë të anëtarëve të Kryesisë së LDK-së, në selinë qendrore të kësaj partie.

Takimin e ka konfirmuar nënkryetari i parë i LDK-së, Eqrem Kryeziu, i cili ka thënë se në takim nuk është biseduar për hapat që do të ndjekë LDK-ja pas dorëheqjes së Sejdiut nga funksioni i presidentit të shtetit një ditë më parë. Për më shumë, Kryeziu ka thënë se LDK-ja është e gatshme për çdo opsion, madje edhe për zgjedhje të parakohshme në nivel vendi.

“Ne jemi të gatshëm për çdo variant. Proceset demokratike në vend nuk mbesin peng për shkak të LDK-së”, ka theksuar Kryeziu. Ky i fundit është shprehur se tashmë Sejdiu do të jetë kryetar aktiv i partisë së dytë në vend, LDK-së, njofton KTV-ja.