Prorektori për arsim i USHT-së prof.dr Ismail Ahmedi zhvilloi sot takim pune me doc.dr Kadrije Tyrkan nga Universiteti i Memet Akif Ersoy i Republikës së Turqisë.

Në takimin e sotëm u bisedua për programin, silabuset e gjuhës turke dhe lëndët të cilat e ushqejnë kulturologjinë filologjike. Prorektori për arsim doc.dr Ismail Ahmedi theksoi nevojën e intensifikimit të ndërsjellë në mes Universiteteve në këmbimin e kuadrit akademik dhe studentëve që do të hapej rruga e bashkëpunimit në lëmin e shkencës dhe kulturës.

Vlen të përmendet se Doc.Dr Kadrije Tyrkan, këtë vit akademik do të mbuloj një fond orësh të gjuhës turke në degën e Orientalistikës të Fakultetit Filozofik. Përndryshe profesoresha nga Universiteti i Memet Akif Ersoy i Republikës së Turqisë ligjëron edhe në katedrën e turkologjisë në Universitetin Shën Kirili dhe Metodi.

Në fund prorektori Ismail Ahmedi profesoreshën nga Republika e Turqisë e njoftoi me rrjedhën e procesit mësimor e shkencor, bashkëpunimin e frytshëm të Universitetit tonë me Universitetet nga rajoni dhe ato ndërkombëtare dhe njëkohësisht falënderoi për mbështetjen akademike që ajo ofron për degën e Orientalistikës në Fakultetin Filozofik.