Moslikuidimi gjithnjë e më i madh në bursën e Zagrebit i nxiti investuesit e vegjël të investojnë në bursat e huaja, duke e inkuadruar edhe atë të Lubjanës dhe Beogradit, tregoi hulumtimi në internet faqen Business.hr.

Sipas anketës, e cila është zbatuar nëpër shtëpitë më të mëdha brokere në Kroaci, rreth 40 për qind nga qarkullimi i të gjitha shoqërive të cilat ofrojnë shërbime broker shkojnë në tregtinë e vendit, përderisa 60 për qind nga paratë investuesit i shpenzojnë jashtë vendit.

Më i interesuar dhe më i kërkuar është tregu amerikan, veçanërisht Nazdak. Përveç shitjes dhe blerjes së aksioneve në bursën njujorkeze, investuesit kërkojnë rrugën e vet edhe deri në Frankfurt, Paris, Londër, po edhe deri në Lubjanë dhe Beograd, thonë brokerët.

Për shkak se bursa e Zagrebit nuk është më aktraktive si para dy viteve, investuesit kanë qenë të detyruar të kërkojnë alternativë, vlerëson Internet faqja, dhe shton se në shtëpitë brokere kanë konfirmuar se investuesit prej përpara e dinë cilat aksione duan t'i blejnë, dhe këshilltarët investues kanë pak punë.