Në organizim në Sektorit për Veprimtari Publike në kuadër të Komunës së Tetovës gjatë ditës së martë u organizuan gara në atletikë me nxënësit e shkollave fillore në kategorinë e djemve dhe vajzave në disiplinat 100, 400 dhe 800 metra.

Këto gara që u organizuan nga Sektori për veprimtari Publike në bashkëpunim me klubin e atletikës Studenti përndryshe janë dalin nga rekomandimi i Agjencionit të Rinisë dhe Sportit në RM dhe Federatës për Sportet Shkollore.


Në bazë të rezultateve të garave që u mbajtën gjatë ditës së martë në stadiumin e vjetër të qytetit ku morën pjesë të gjitha shkollat fillore që gravitojnë në komunën e Tetovës fitues dolën sa vijon:

Në disiplinën 100 metra për vajza fituese dolën Yllëza Hajruli, Yllzana Ganiu dhe Leontina Bajrami.
Në kategorinë meshkujve në disiplinë 100 metra fitues dolën Krenar Huseini, Emin Rama dhe Valton Shabani.

Në disiplinë 400 metra për vajza fituese dolën Liridona Murtezani, Fitore Kurtishi dhe Amra Ajruli, ndërsa në 800 metra për meshkuj fitues dolën Vullnet Arifi, Kujtim Ganiu dhe Kushtrim Iljazi.

Më ët mirët në këto gara do të marrin pjesë në garat regjionale.
Sipas përgjegjësit të sektorit për veprimtari publike Iljas Halimit garat e atletikës për nxënës të shkollave të mesme do të organizohen me datën 15 tetor, ndërsa për të gjithë më të mirët do të ndahen diploma dhe medalje, ndërsa për shkollat më të mirë do të ketë kupa