Lady Gaga njihet për skenat ekstravagante të koncerteve të saj, madje shpesh herë ka tmerruar edhe fansat për shkak të sjelljeve kanibale. Por a ka frikë apo fobi nga diçka vetë këngëtarja?

Sipas revistës “Grazia”, që e transmeton TCH, këngëtarja tmerrohet nga shpirtrat e këqij dhe gjatë turneve të saj, në hotele ajo paguan një eskortë të madhe që të kontrollojë dhomën para se të akomodohet. 24 vjeçarja, e cila beson në përjetësinë e shpirtit, ka shpenzuar edhe 47 mijë dollarë për një pajisje që identifikon fenomenet paranormale.

“Ajo beson në fenomenet paranormale dhe nuk do të rrezikojë. Është shumë e rëndësishme për të që të mos kontaktojë më shpirtrat”, shprehet një burim. Gaga ka punësuar gjithashtu një kimist të NASA-s për këtë problem.